تخيل لو انك بقيت وزير مالية
حجم الخط:
الخيال نعمة من الله سبحانة وتعالى علينا كلنا...والنعمة دى هى سبب تطور البشرية لأن أفكار زى الطيارة والقطار والسيارة والتليفون وابن عمه المحمول والتلفزيون وتقنيات البث المباشر أكيد كانت فى يوم من الأيام خيال وتحقق.
000ورحلتنا رحلة خيال فى خيال ...ممكن يكون خيال غير مؤدى لتطور البشرية بس عموما الخيال والتخيل حاجة حلوة حتى ولو كانت بعيدة عن المنطق والواقع....واحنا المبحلقين بندعوك انك تتخيل معانا الآتى...بس تخيل.
لو انت بقيت وزير مالية...تعمل ايهخد بالك مدمت انت وزير مالية من الطبيعى انك تلعب لمصلحة الدولة وخزنتها مش لمصلحة المواطن الفردية ،بمعنى لازم تدور على نوع من الضرايب الجديدة اللى تفرضها على كاهل المواطن الغلبان مثلا تقدر تفرض ضريبة على التعليم وبأثر رجعى يعنى كل المتعلمين فى البلد يدفعوا ضرايب باختلاف مستوياتهم التعليمية يعنى اللى معاه الابتدائية غير اللى معاه الاعدادية غير الدبلوم غير الثانوية العامة اما الجامعة ده يبقى موضوع تانى خالص ،لأنك لازم تفرق الكليات يعنى اللى بيدرس او خلص دراسة حتى ولو من خمسين سنة فى طب غير هندسة غير صيدلة غير إعلام غير ألسن غير تجارة وتربية وآداب وحقوق وزراعة وهكذاواوعى خيالك الابداعى يقف عند كده برده غير المتعلمين أو الأميين برضة لازم يدفعوا ضريبة على الجهل لانهم بجهلهم بيتعبوا نفسهم والدولة والناس اللى حواليهم.طبعا فى ضرايب كتير من السهل انك تفرضها لغاية متوصل الضرايب اللى هى (مصلحتك اولا) على الهوا والنفس اللى بنتنفسه...مرورا بضرايب على راكبى المواصلات سواء كانت نقل عام او حتى ميكروبسات مش كفاية سمحتم بوجود منافس فى مجال النقل البرى الداخلى غير تابع لكم يبقى لازم الركاب تدفع...وهكذاأما لو انت عاوز تبقى وزير مالية بسياسات مختلفة فأنت حر بس بنحذرك مش هتستمر كتير...عموما تخيل
أضف إلى:
del.icio.us |
Digg
del.icio.us |
Digg
أرسل إلى صديق
نسخة للطباعة
نسخة نصية كاملة قيم هذا المقال
الرئيسية
اجعلنا صفحتك الرئيسية
أضف إلى المفضلة
بحلقة موبايل
Rss
نسخة نصية كاملة
الأرشيف
التعليقات (0 تعليقات سابقة):
أضف تعليقك