حكاوى نيازى .. الحلقة 2

كان الفصل بتاعنا فى الدور الثاني وبيطل ع الشارع الفاصل بينا وبين مدرسة البنات ..ودايما كان الشارع ده ملغم بنات متقولش ماسورة بنات وانفجرت فية
وكنا بين الحصص وبعضها نلزق عالشبابيك ونعاكس اللى رايحة واللى جاية .. مرة نيازى قعد يصفر على بت مردتش عليه وعشان يلفت انتباهها راح جايب طوبة وحادفها من الشباك .

ولسوء حظه تروح الطوبة لزقة فى دماغ البت وفجاة راحت البت راقعة بالصوت ولقى الناس اتلمت اتارى دماغها اتفحت فتحة جامدة راح نيازى مستخبى .. ويادوب خمس دقايق لقى خمس رجالة والناظر والبت داخلين  الفصل وبيقولوا فين ابن .... اللى حدف الطوبة .. وفجاة نيازى لقى واحد نتن من زمايلنا قال :ايوة يااستاذ هو ده اللى حدفها وانا شاهد عليه .. راح الناظر ماسكة من قفايا وقا ل له: هعملك جواب رفد لغاية ماتجيب ولى امرك ومشي نيازى من المدرسة وانتظر الواد النتن اللى فتن عليه بره المدرسة واول ماشافه اتلم علية هو وصحابه وطحنوه حتة علقة.