إعرف اللي ما تعرفوش عن .. الحكيم .. توفيق الحكيم

إسكندراني , اتولد في 9 أكتوبر 1898 كاتب وأديب مصري , من رواد الكتابه المسرحيه في العالم العربي , هو توفيق الحكيم كاتب مسرحية أهل الكهف اللي كانت حدث مهم في الدراما العربيه لانها كانت بداية تيار مسرحي اتسمي بالمسرح الذهني , وبالرغم من الانتاج الكتير للحكيم الا انه مكتبش غير عدد قليل من المسرحيات اللي ممكن تتعمل علي المسرح , معظم مسرحياته من النوع اللي يتقرأ , علشان كده اتسمي مسرح زهني لانه صعب تتعمل علي مسرح , وكان الحكيم عارف بصعوبة تجسيد اعماله في عمل مسرحي وقال"إني اليوم أقيم مسرحي داخل

سنة 1919 اشترك في الثورة المصريه مع أعمامه , واتقبض عليهم واتسجنوا بسجن القلعه , بس والده نقله إلي المستشفي العسكري لحد ما اُفرج عنه , سنة 1920 رجع الدراسه تاني وخَد شهاده الباكالوريا سنة 1921 , دخل كلية الحقوق بسبب رغبة والده وتخرج منها سنة 1925 , اشتغل الحكيم في مكتب محامي مشهور كمحامي متدرب , ولان والده كان علي اتصال بأشخاص اصحاب نفوذ اتمكن من الحصول علي دعم واحد من المسؤولين في انه يروح بعثه دراسيه في باريس لمتابعة دراسته العليا في جامعتها فراح باريس للحصول علي شهادة الدكتوراه سنة 1925-1928 وفي باريس زار متحف اللوفر وقاعات السينما والمسرح , واكتسب ثقافات ادبيه وفنيه واطلع علي الادب العالمي وعلي راسهم اليوناني والفرنسي

اتجه وقتها لدراسه الادب المسرحي والقصص واتردد علي المسارح الفرنسيه ودار الاوبرا واهمل دراسة القانون ,فبعتله والده سنة 1927 يعني بعد 3 سنين , رجع الحكيم من غير ما ياخد الشهاده , اشتغل وكيل للنائب العام سنة 1930 في المحاكم المختلطه بالإسكندريه وبعدين في المحاكم الاهليه , وفي سنة 1934 اتنقل لوزارة المعارف واشتغل مفتش للتحقيقات , بعدها مدير لإداة الموسيقي والمسرح بالوزاره سنة 1937 , وبعدها في وزارة الشؤون الاجتماعيه مدير لمصلحة الارشاد الاجتماعي , استقال سنة 1944 ورجع مره تانيه للوظيفه الحكوميه , سنة 1954 اشتغل مدير لدار الكتب المصريه , وفي نفس السنه انتخب عضو عامل بمجمع اللغه العربيه , وفي سنة 1956 عيّن عضو متفرغ للمجلس الاعلي لرعاية الفنون والآداب بدرجة وكيل وزاره , وفي سنة 1959 عيّن كمندوب مصر بمنظمة اليونسكو في باريس , وفي اوائل سنة 1960 رجع لموقعه في المجلس الاعلي للفنون والآداب , واشتغل بعدها مستشار بجريدة الأهرام وبعدها عضو بمجلس ادارتها في سنه 1971

اسلوب توفيق الحكيم بيتميز بمزجة بين الواقعيه والرمزيه بشكل خيالي وعميق من غير تعقيد او غموض , معظم مسرحيات الحكيم كُتبت علشان تتقرأ فقط لانها صعبه تتجسد في عمل مسرحي

ومن الجوايز اللي اخدها

قلادة الجمهوريه سنة 1957

جايزة الدوله في الآداب سنة 1960 ووسام الفنون من الدريحة الاولي

قلادة النيل سنة 1975

الدكتوراه الفخريه من اكاديميه الفنون عام 1975

أطلق اسمه عل فرقة (مسرح الحكيم) في سنة 1964 لسنة 1972

أطلق اسمه علي مسرح محمد فريد اعتبارا من سنة 1987

اتوفي الحكيم في سنة 26يوليو 1987 في القاهره