كان ياما كان .. في مسحراتي
حجم الخط:
.. ( المسحراتي )
كلمة ارتبطت ف وجدان كل واحد مننا بجو رمضان الأصيل، و أكيد أول مابتيجى سيرته كل واحد بيسترجع صورة للمسحراتى اللى كان بيشوفه و هو صغير،ويفتكر الراجل عجوز .. اللي شايل طبله بيدق عليها بحتة جلده ..ن
و لو حبينا نفتح كتاب (كان ياماكان) و ندوَّر عن المسحراتى زمان و ازاى بدأ و ازاى استمر و بان هنلاقى إن المسلمين ف أول الإسلام كان بيبدأ صيامهم مع النوم حتى و لو صحيوا قبل الفجر، طالما الواحد حط دماغه على المخدة و راح يبقى دخل ف الصيام، لكن بعد كده حدد المولى عز و جل بداية الصيام مع الفجر و ده طبعا من رحمته بينا _ تخيل لو عينك غفلت قدام التلفزيون شوية بعد الفطار التقيل فصحيت لقيت نفسك صايم يا حسرة قلبى -، و كان سيدنا بلال يأدن المغرب و سيدنا ابن أم مكتوم يأدن للفجر، و على كده نقدر نعتبر صوت سيدنا ابن أم مكتوم مجازا أول مسحراتى ف الإسلام.
بعد كده بيقول كتاب (كان ياما كان) اللى مالوش مكان الا ف ذاكرة الإنسان إن المسحراتية كتروا و اشتهر منهم ناس زى (الزمزمى) فى مكة و (أبو نقطة) فى بغداد و كل واحد منهم كان له طريقتة الخاصة ف التسحير،
و لو حبينا نفتح كتاب (كان ياماكان) و ندوَّر عن المسحراتى زمان و ازاى بدأ و ازاى استمر و بان هنلاقى إن المسلمين ف أول الإسلام كان بيبدأ صيامهم مع النوم حتى و لو صحيوا قبل الفجر، طالما الواحد حط دماغه على المخدة و راح يبقى دخل ف الصيام، لكن بعد كده حدد المولى عز و جل بداية الصيام مع الفجر و ده طبعا من رحمته بينا _ تخيل لو عينك غفلت قدام التلفزيون شوية بعد الفطار التقيل فصحيت لقيت نفسك صايم يا حسرة قلبى -، و كان سيدنا بلال يأدن المغرب و سيدنا ابن أم مكتوم يأدن للفجر، و على كده نقدر نعتبر صوت سيدنا ابن أم مكتوم مجازا أول مسحراتى ف الإسلام.
بعد كده بيقول كتاب (كان ياما كان) اللى مالوش مكان الا ف ذاكرة الإنسان إن المسحراتية كتروا و اشتهر منهم ناس زى (الزمزمى) فى مكة و (أبو نقطة) فى بغداد و كل واحد منهم كان له طريقتة الخاصة ف التسحير،
(الزمزمى) مثلا كان بيسحر و هو ف صومعه فوق المسجد و معاه طفلين بيرددوا وراه
" تسحروا غفر الله لكم " .. " تسحروا فإن فى السحور بركة "
و يبدأ يحرَّك قنديلين منورين عشان اللى ماسمعش يشوف، أما (أبو نقطة) فكان بيصحى الخليفة (الناصر) فى بغداد و هو بينادى بعلو صوته " نياما قوما قوما للسحور "، و لما نيجى لمصر المحروسة حبيبتنا هنلاقى إن أول اللى سحروا فيها هو (عنبة بن إسحاق) سنة 238 هـ 852 م و ده كان بياخدها على رجليه من مدينة العسكر لحد جامع عمرو بن العاص و يسحر بالأناشيد و الأهازيج على أربع ألحان مختلفة.
على فكره من خصوصية كل بلد بتسحيرها كان مسحراتية مصر هم أول من دقوا على الطبلة و نادوا على الناس بأسمائهم، و مسحرتية إسكندرية كانوا بيدقوا الأبواب بالنبابيت، أما أهل الشام _ أهل المزاج كله _ فكانوا بيسحروا بالعزف على العود.
نسيب بقى كتاب (كان ياما كان) اللى محدش عارف إن كان موجود و لا كان موجود من زمان و ندخل ع العصر الحديث عشان نلاقى كتير من كبار الزجالين و شعراء العامية ألفوا أزجال و أشعار على لسان المسحراتى زى (بيرم التونسى) و (جمال بخيت) و كان أعظمهم على الإطلاق هو الشاعر الكبير (فؤاد حداد) اللى كتب برنامج المسحراتى للإذاعة المصرية و لحنه الشيخ (سيد مكاوى) ليرتبط بوجدان شعب بأكمله، مين مننا مش فاكر " و انا صنعتى مسحراتى ف البلد جوال .. حبيت و دبيت كما العاشق ليالى طوال .. و كل شبر و حته من بلدى .. حته من كَبَدى .. حته من موال "
أيامها كان المسحراتى له لازمه بجد و كان بيصحينا من النوم بصوته الجميل و بنقرة طبلته المميزة، لكن دلوقتى للأسف كلنا بنبقى صاحيين متسمرين قدام التليفزيون، لدرجة إن انا ساعات بحس ان المسحراتى هو الوحيد اللى بينام بعد العشا من تعب المشى و يصحى قبل الفجر عشان يصحى الناس اللى صاحيين أصلا، و على رأى عمنا صلاح جاهين:
النور ملو الشارع
ومليون راديو والع
الساعه أتنين صباحا
لكن ايه الموانع
الخلق رايحه جايه
والدنيا لسه حيه
مليانه بالهأوأو
وزعيق القهوجيه
واحد يقول لواحد
خليك ياعم قاعد
والتانى يقوله شكرا
دانا م المغرب مواعد
فى سهره لسه عندى
ف بيت فلان أفندى
حاناكل حاجه حلوه
ونشرب تمر هندى
واللى تروح دالقه جردل
فوق حضرة المبجل
طبعا صاحبنا يزعل
وينفجر شتايم
والحى كله يوصل
مابين مصلح ولايم
اللى يقول ياجماعه
واللى يقول يابهايم
ومطرب الاذاعه
يصرخ وف وجده هايم
ولو طرطقت ودنك
وسط دى العظايم
تسمع مسحراتى
بطبله صوتها واطى
بيقول
أصحى يانايم
على فكره من خصوصية كل بلد بتسحيرها كان مسحراتية مصر هم أول من دقوا على الطبلة و نادوا على الناس بأسمائهم، و مسحرتية إسكندرية كانوا بيدقوا الأبواب بالنبابيت، أما أهل الشام _ أهل المزاج كله _ فكانوا بيسحروا بالعزف على العود.
نسيب بقى كتاب (كان ياما كان) اللى محدش عارف إن كان موجود و لا كان موجود من زمان و ندخل ع العصر الحديث عشان نلاقى كتير من كبار الزجالين و شعراء العامية ألفوا أزجال و أشعار على لسان المسحراتى زى (بيرم التونسى) و (جمال بخيت) و كان أعظمهم على الإطلاق هو الشاعر الكبير (فؤاد حداد) اللى كتب برنامج المسحراتى للإذاعة المصرية و لحنه الشيخ (سيد مكاوى) ليرتبط بوجدان شعب بأكمله، مين مننا مش فاكر " و انا صنعتى مسحراتى ف البلد جوال .. حبيت و دبيت كما العاشق ليالى طوال .. و كل شبر و حته من بلدى .. حته من كَبَدى .. حته من موال "
أيامها كان المسحراتى له لازمه بجد و كان بيصحينا من النوم بصوته الجميل و بنقرة طبلته المميزة، لكن دلوقتى للأسف كلنا بنبقى صاحيين متسمرين قدام التليفزيون، لدرجة إن انا ساعات بحس ان المسحراتى هو الوحيد اللى بينام بعد العشا من تعب المشى و يصحى قبل الفجر عشان يصحى الناس اللى صاحيين أصلا، و على رأى عمنا صلاح جاهين:
النور ملو الشارع
ومليون راديو والع
الساعه أتنين صباحا
لكن ايه الموانع
الخلق رايحه جايه
والدنيا لسه حيه
مليانه بالهأوأو
وزعيق القهوجيه
واحد يقول لواحد
خليك ياعم قاعد
والتانى يقوله شكرا
دانا م المغرب مواعد
فى سهره لسه عندى
ف بيت فلان أفندى
حاناكل حاجه حلوه
ونشرب تمر هندى
واللى تروح دالقه جردل
فوق حضرة المبجل
طبعا صاحبنا يزعل
وينفجر شتايم
والحى كله يوصل
مابين مصلح ولايم
اللى يقول ياجماعه
واللى يقول يابهايم
ومطرب الاذاعه
يصرخ وف وجده هايم
ولو طرطقت ودنك
وسط دى العظايم
تسمع مسحراتى
بطبله صوتها واطى
بيقول
أصحى يانايم
أضف إلى:
del.icio.us |
Digg
del.icio.us |
Digg
أرسل إلى صديق
نسخة للطباعة
نسخة نصية كاملة قيم هذا المقال
الرئيسية
اجعلنا صفحتك الرئيسية
أضف إلى المفضلة
بحلقة موبايل
Rss
نسخة نصية كاملة
الأرشيف
التعليقات (6 تعليقات سابقة):
وانا اول مره اعرف التاريخ بتاع المسحراتى ده
شكرا يا استاذ محمد على المقال اللذيذ اوى ده
واصحى يا نايم
:)
أنا على أد ما استفدت من المقال على أد ما استمتعت بيه كمان
t7so malyan music w enta bt2raa -- keep it up ya mshrfnaa xD
تعرف اني عمري ما شوفت مسحراتي :((
يمكن وانا صغيرة كان بيعدي بس انا ما كنتش واعية له يعني
غير ان دمه خفيف
هذا الى جانب ان المسحراتى مثل الكثير من المهن التى تندثر مع مرور الوقت مثل مهنة مبيض النحاس الذى اختفى تماما بعد ظهور حلل الالمونيوم والاستانلس ومهنة أصلح بابور الجاز بعد ظهور البوتجاز والميكرويف ومهنة صانع الفوانيس بعد ظهور الفانوس الصينى وغيرها وغيرها من المهن التى انقرضت بمرور الزمن او بسبب التطور التى طرأت على مهنهم واصبحت هذه المهن من الفلكلور وستضاف الى كتب التراث وسيحكى عليها اولادنا واحفادنا والدوام لله فقط يا ابو الفتوح يا اخويا
أضف تعليقك