أيه موضه معرض الكتاب السنه دي؟؟ ..

صاحب دار للنشر يكتب معلقا علي معرض الكتاب : " موضة 2009 المدونات الفاشلة ككتب ..موضة 2010 كله بيكتب أدب ساخر " .... !!!

أعتقد ان معرض الكتاب سوف يبدأ غدا .. الأجازه جت !! .. ولآن الاجازه بدأت يعني المعرض هايشتغل فعلياً

..فــ بأسجل دعوتي للجميع باننا نبحلق في المعرض عشان نعرف ايه هي موضه السنه دي!؟ ..  

صاحب دار نشر وكاتب كتب في الفيس بوك سريعا ملاحظته علي المعرض وكان تعليقه : " موضة 2009 المدونات الفاشلة ككتب ..موضة 2010 كله بيكتب أدب ساخر " .. !!! .. علامات التعجب دي بتاعتي أنا 

ليه بتعجب .. بتعجب انا لان ملاحظتي علي المعرض السنه دي .. السبب اللي أدي للنتيجه دي .. كل اللي معاه قرشين بقي صاحب دار نشر واي حد طبعله كتاب أنشا دار نشر .. وطبعا بقي الشعار " اللي بينشروا بيشعجوا اللي بيكتبوا .. و احنا محتارين معاهم" .. محتارين ليه ؟؟ .. لآن ببساطه الاسماء في السوق كتير جدا والاسعار مازالت عاليه جدا فالطبيعي اني مش هقدر اشتري كل الكتب دي والطبيعي اني هاشتري الكتاب الاوفر حظا من حيث الدعايه .. ولان دور النشر الكتييييييييير قوي جدا خالص دي واخده العمليه سبوبه مش أكتر فمافيش دعايه وما فيش توزيع وياخوفي ليكون مافيش كتاب من أصله

من كام سنه بدأت بعض دور النشر الصغيره واليوم أصبحت دور لها اسم وطابع في السوق ودا اللي دفع البعض للاتجاه للمتاجره في هذا المجال .. هنلاقي الكام شهر دول بس صدر عدد لا يحصي علي اصابع اليد ولا الرجلين حتي من دور نشر " تحت السلم" وهو تعبير نسب لمديره دار نشر تعليقا علي سؤال وجه لها بشان انتشار دور النشر  

وبعد ما كان هدف دور النشر اللي أنشات منذ اعوام هو الارتقاء بالمجتمع واتاحه الفرصه للقراء وتنوع المعروض ورخص الثمن و و و و .. دا بيتحول دلوقتي لمجرد سوق .. تنوع المعروض اصبح كثره مبالغ فيها هاتؤدي لعزوف القارئ عن الشراء خصوصا مع الكثره دي الاسعار ما زالت في العالي!!! .. وبس