الرئيسية | إيه النظام ؟ | تعمل ايه لو كنت رئيس جمهورية ؟؟

تعمل ايه لو كنت رئيس جمهورية ؟؟

10 December, 2009 05:42:00 علا بابلي

حجم الخط:

حد سأل نفسه السؤال ده قبل كده ؟؟ حد سأل نفسه أنا لو كنت رئيس مصر هعمل إيه ؟
إحنا كل واحد فى مجاله بيقول
انا لو كنت وزير السياحة ........كنت عملت حملات للأماكن السياحية غير المعروفة وكنت أخدت موارد السياحة وعملت
بيها مشروعات للشباب
أنا لو كنت وزير اعلام .......هعمل وهعمل وهعمل ، أنا لو كنت وزير تموين ..... هعمل وهعمل وهعمل
انا لو كنت وزير بيترول ......هعمل وهعمل وهعمل
ولو كنت وزير ثقافة ، ولو كنت وزير اسكان
ولو كنت وزير صحة ... ، لو كنت ولو كنت ولو كنت

طيب ما فكرتش لو كنت رئيس جمهورية هتعمل ايه ؟؟؟؟
اتفرج كده على برنامج تاكسى ، حقيقة ده برنامج عبقرى
اتفرج كده على الناس وهى بتتكلم بطبيعتها
وبتقول رأيها بمنتهى الصراحة
شوفوا قد إيه كل مصرى جواه حاجات عاوز يقولها
فى السياسه فى الكورة ...فى الفن ...حتى الغنا
شوفتوا الناس اللى بتغنى في التاكسي ؟

قد ايه فيه ناس عندها حلول لمشاكل كتييير !
قد ايه كل واحد ليه نظرة فى كل حاجة فى البلد
المصريين جواهم كلام كتير اوى
كلام عاوزين يقولوه
كلام نفسهم يوصلوه
تخيل كده لو كان سواق التاكسى ده
وزير متنكر أو رئيس وزارة عاوز يعرف آراء الناس و عاوز يسمعهم
عاوز يحس زى الناس ماهى حاسة
تخيل بقى لو الناس اكتشفت ان فيه حد عاوز يسمعها
عاوز يحس بيها
دى حاجة على الاقل هتريحهم شوية
اعتقد ان المصريين نفسهم يتسمعوا ومن حقهم يتسمعوا
واعتقد كمان اننا محتاجين نشوف حاجات كده كتير زى طباخ الريس
واعتقد برضه ان ده من حقهم

أضف إلى: Add to your del.icio.us