جهلة الفيس بوك ... نعمة أم نقمة!
حجم الخط:
شباب الفيس بوك .. منتهى الجهل
الفيس بوك الموقع الإجتماعي الأشهر على مستوى العالم و الذي وصل عدد مشتركيه أكثر من
400 مليون مشترك، و الذي يدخله ملايين المصريين والعرب كل يوم و مع ذلك لا يتقنون التعامل
معه و معرفة أساسيات إستخدامه .
نجد الكثير من أعضاء الفيس بوك يطبقون نظرية (العدد في اللمون ) في إختيار أصدقائهم و بالتالي
قبول أي طلب صداقة و إضافة أي فرد دون معرفته و هذا أدى إلى كثير من المشاكل منها مثلا
عندما تجد صديقك المتدين و في صفحته أصدقاء لا يعرفهم و يضعون صور مخلة بالذوق العام أو
ذاك الصديق الذي لديه ما يربو على الألف صديق و بالتأكيد لا يعرف أحد منهم و هذا يسبب الكثير
من الأضرار حيث غالبا ما تحمل صفحات الفيس بوك معلومات و صور شخصية لا يحب أحد أن يطلع
عليها غرباء .
و عند سؤالهم لماذا تضيف هؤلاء يجيب بإجابات من نوعية "مبحبش أزعل حد" " يا عم نفض أهو
نملا البروفايل " و هي إجابات ساذجة تنم عن مدى الجهل في التعامل مع الفيس بوك و الإنترنت
عموما .
أيضا ظاهرة إنتشار مجموعات الفيس بوك groups و التي يشترك فيها الجميع بدون معرفة أهدافها
و أسباب إنشائها و بالتالي عدم دخولها مرة أخرى و من ثم يتفاخر البعض بأن لديهم
500 مجموعة في صفحته الخاصة و هو في الأصل لا يعلم عنهم أي شيء .فتجد شخص ينشئ
مجموعة يطالب فيها تامر بحلق شعر صدره و أخر يطالب في مجموعته بالقضاء على الإمبريالية و
أخر يطلب من أصدقائه مساعدته في ترتيب حفل زفافه . و العجيب أنك تجد الكثير من أصدقائك
مشتركين في مثل هذة المجموعات بلا أدنى سبب .
أيضا الصفحات الدعائية fan pages و التي زادت أعدادها بكثرة و زاد عدد مشتركيها أيضا دون معرفة
محتواها فتجد صفحة لعصير القصب و أخرى لمحشي ورق العنب و ثالثة لمشجعي فلان الذي
قام بعمل شيء ما في مكان ما و أيضا صفحة لتشجيع عمدة البلد. و مثل تلك الصفحات تجد
مئات الدعوات لها في صفحة الطلبات requests الخاصة بك و غالبا ما توافق عليها دون معرفة
محتوها .
أفضل مثال على هذا هو ما حدث خلال الأيام السابقة حيث قام فرد بإنشاء صفحة (الله) و التي زاد
أعداد مشتركيها بطريقة مهولة في يومين فقط و ذلك لأن لا أحد لم يتطلع على محتواها قبل أن
يرسل دعوة لجميع أصدقائه الذين قبلوها بالتأكيد و لو فكر أحدهم أن ينظر لمحتواها لما فكر أبدا
في نشرها .
نجد أيضا أن لا أحد تقريبا يهتم بإعدادات الخصوصية privacy setting و التي شهدت ساحات
المحاكم الأمريكية قضايا كثيرة بخصوصها حتى يستطيع المستخدم الحفاظ على أقصى درجات
الخصوصية لمحتويات صفحته الخاصة بما لا يسمح للغرباء بالتطلع عليها . لكن تجدنا نحن
المصريين لا نهتم بها في الأصل و لا نحاول أن نحمي خصوصياتنا و صورنا و معلومات الإتصال
الخاصة بنا و نترك صفحاتنا مفتوحة للجميع .
برامج الفيس بوك المتخلفة التي يسمح الفيس بوك لأي أحد بإنشائها مما أنتج مجموعة من
البرامج على غرار ( حظك اليوم – هتجوز أمتى – أول حرف من أسم حبيبك – شبه مين من
الممثلين – مستوى ذكائك العقلى ) و غيرها كثيرا و التي تجد تشجيع كبير من مستخدمين
الفيس بوك و تجد مئات التنبيهات يوميا بميعاد زواجك و وفاتك و أسماء أبنائك و بالطبع لا تستطيع
التخلص منها و تدعو الله أن يغور الفيس بوك .
كل هذه العوامل المتعلقة فقط بالمستخدم العربي عموما و المصري خصوصا والتي جعلت الفيس
بوك مجرد أداة للتسلية و الألعاب و التطفل على الأخرين و ابتعدنا تماما عن هدفه الرئيسي
كشبكة إجتماعية هدفها التواصل بين الأهل و الأصدقاء و متابعة أخر أخبارهم .
أضف إلى:
del.icio.us |
Digg
del.icio.us |
Digg
أرسل إلى صديق
نسخة للطباعة
نسخة نصية كاملة قيم هذا المقال
الرئيسية
اجعلنا صفحتك الرئيسية
أضف إلى المفضلة
بحلقة موبايل
Rss
نسخة نصية كاملة
الأرشيف
التعليقات (22 تعليقات سابقة):
الفيس بوك زيه زي أي خدمة على الانترنت عبارة عن سلاح ذو حدين .
كان نفسي تكلم عن الناس اللزجه .. اللي بتضيف اي حد لمجرد انه يحمل صفه انثي :D
بالنسبة لعجائب الابليكشنات والالعاب فبصراحة في حاجات لذيذة وحاجات قمة في الهطل هههههههه
واللي بيشلني بقى المجاملات في الايفنتات
ناس تبقى برة مصر اساسا ً وفي ايفنت في بني سويف ويقولوا هيحضروا
علشان ما بيهونش عليهم يكسروا بخاطر حد :D
بالنسبة لعجائب الابليكشنات والالعاب فبصراحة في حاجات لذيذة وحاجات قمة في الهطل هههههههه
واللي بيشلني بقى المجاملات في الايفنتات
ناس تبقى برة مصر اساسا ً وفي ايفنت في بني سويف ويقولوا هيحضروا
علشان ما بيهونش عليهم يكسروا بخاطر حد :D
غير كده تبعت تسأل و لو متعرفش يبقى ترفض
ببساطة خالص و اللي يزعل يزعل
تسلم الأيادي...ويارب كل حد يفتكر انه مسجل عليه كل فعل بيعمله ولو صغير على الشاشة دي...ويتقي الله في ده...
الالعاب دي اكبر شئ بيضيع الوقت
نبدئها بتسلية عابرة مرة وخلاص نعمل حوض سمك او نشتري قططتين و بعدين القطتين يجبلك شكلهم بائس لحد ما تعيط عليهم تقوم فارش المكان اللي اعدين فيه و لازم تدخل كل يوم علشان تنضف للقطط و تاكلهم و كمان تطبطب عليهم علشان تاخد نقط زياده و تشتري لهم علبة اكل جديده و تزود عدد الاود
و بقه كل يوم اهم شئ تفتح الفيس تطمن علي القطتين و تشوف اخبارهم ايه قبل حتي ما تخرج من اودتك تطمن علي اهلك
بجد هدف رائع و رسالة في الحياة برده !!!!
اما بقه بالنسبة للجهلة فدول كتير و ارخم حاجة النوع الثقيل منهم
لما واحد يبعتلك طلب صداقه و معاه رسالة مكتوب فيها انا اسمي كذا كذا بشتغل كذا و عايزة اتعرف عليكي بجد و بدور علي عروسة زي العسل و بين قوسين كاتب جواز حلال
و حاطط الميل و الموبايل
و اللي يغيظ انه لسه عضو جديد في الفيس
ساعتها حسيت ان فيه حد ضحك عليه و قاله ان ده موقع خاطبه
الجهلة كتير جدا و العبط اكتر بكتيييييير
و ده احد عيوب التكنولوجيا اللي انتشرت لدرجة انها فرضت نفسها علي ناس جاهله استخدمتها كتقليد اعمي و هما ميفهموش اي حاجة خالص
بس الفيسبوك الخاطبة دي جديدة أول مرة أسمع عنها بس حاجة تحرق الدم بصراحة
أولا انا احب احيكم علي المناقشه وفعلا موضوع في الصميم
انا فوجئت انه احد صديقاتي علي الفيس بعتالا علي الصفحه بتاعت ( الله) وفوجئت واحززني جدا عدد الفانز في الصفحه ده هما للآسف عملوا فانز للصفحه عشان يشتموا الشخص ده أستغفر الله العظيم يعني لكن مش اخدوا بالهم انهم كده بيعطوا رتبه ومكان في الفيس بوك وده إللي هوا عاوزه .
وايضا انتشرت جدا جروبات التهيس بقت اكثر من الجروبات المهمه إللي ليها مغزي كويس والمثير للإشمئزاز إنه أغلبهم شباب تحت العشرين وانهم بيكتبوا انهم بيحبوا يسمعوا ميوزيك ميتال وغيره وانهم شباب ضايع وكإن ده شئ بيفتخروا بيه
ببجد لازم بقي نفوق
انا طالبه في 2 ثانوي
وعملت جروب لطالبه الثانويه العامه وللآسف عشان كان هدفي إننا نساعد بعض كالطالبه ثانويه عامه ملقتش إقبال علي الجروب ، مع يقيني الشديد إنه لو خليت الجروب للتهيس هلاقي إقبال غير عادي ( نفسي حد يقولي ليه بجد بقينا قد كده سلبين )
www.facebook.com/group.php?gid=262354124949&ref=mf
الفيس بوك له استخدامات كتيرة للاسف اغلب الناس اللي فيه مش عارفين يستعملوها ولا عارفين يتقو شرها...
أضف تعليقك