هاااااااااااااى.....ممكن نستعبط!

مادة واحد: أول ما البنت تقبل الفريند ريكويست بتاعتك يا ابنى ادخل وبلا مقدمات قلها انا متشكر جدا جدا جدا خاااااااالص على انك قبلتى الفربند ريكويست

وطبعا محدش يسالنى انا بشكرها على ايه المهم يبقى فيه جر كلام بيننا وبين بعض

صحصحوا معانا بقىىىىىىى

مادة اتنين : أدخل يا حبيبى على البروفيل واكتب ازيك يا (.........) ااحنا ممكن نبقى اصدقاء ؟

او لو انت غتت شويه ادخل قولها بصى احنا بقينا اصدقاء خلاص لتصير الصداقة التى يعيش الناس سنينا كى يحظون بها ونادرا ما يجدونها، فى غمضه عين و بجره قلم احنا بقينا اصدقاء يا حاجه..!

صحيح أنه لا عرفها ولا كلمها ولا شافها ولا قابلها ولا يعرف عنها اى حاجة علشان يطلب انهم يكونوا اصدقاء لكن بردو الصداقه كنز لا يفنى..!

لحد دلوقتى الموضوع حلو وطبيعى ولازم الواحد يحيى بنات بلدووو بردوو ومصريتنا وطنيتنا حماها الله

شويه كده و ادخل و اى حاجه تعملها الاخت على الفيس علق عليها وطبعا لازم تكون مؤيد علشان الاخت متزعلش منك ويضيع مشروع الصداقة وهو لسه فى المهد..

ويا حبذا لو قليلا من النفاق علشان يظبطوا المسائل زى:

" انا فرحت جدا جدا انك نجحتى النهارة يا (........) متتصوريش سعادتى قد ايه انا هقوم ادبح خروف واجى "

حبة حبة ولازم جرعة النفاق تزيد شوية

فلانة ....انتى مدخلتيش امبارح ليه ده انا قلقت عليكى بشكل مش ممكن فظيييييييييييييييييع

انتى متعرفيش معزتك عندى قد ايه

ده انا بقيت بحبك اكتر من البامية

ولا مانع من عروض الزواج من ان لآخر وطبعا عروض الحب والانتمة لابد من التلويح بها كل فترة

بدئا من محاولة معرفة نمرة الفون

ثم تدبير موعدا ما للقاء برئ

لتصبح كلمة هااااااااى ممكن نتعرف هى شعارنا فى هذه المرحلة

ولا صوت يعلو على صوت المعركة

مثلا لو دخلنا شوية بروفايلات وجبنا منها شوية حاجات

" لا لا لا انا زعلااااااااااان منك خالص يا (.........) بقى أكلمك امبارح ومترديش عليا ....انا كده زعلان منك قوى "

"هاى يا (...................) انا تجارة انجليش وبشتغل فى فودافون وعدنى عربية وعاوز اتعرف "

يا سيدى على الكلام التهجيصى طيب ليه مقولتناشعلى الجاجوار بتاعت بابا

يلا مفيش حد احسن من حد انا كمان عندى فيل بيعوم فى المية

"إزيك يا (............) أنا سعيد جدا انك ضفتينى ومتشكر قوى انك ضفتينى وانا فرحان قوى انك ضفتينى "

طبعا عبارة هاى ممكن نتعرف الشهيرة منتشرة فى كل حتة

وكل مكان أكثر انتشارا من القمل فى رأس واحد معفن

ازيك عاملة ايه بقولك انا عرفت انك من اسكندرية بردوو بصى انا عاوز اتجوز انا عاوز اشوفك فى- مكان ولو عجبتينى هاجى اخطبك ايه رأيك