يوميات بنوتة فيسبوكية

صحيت من النوم لتكرير السيناريوبتاع كل يوم,,,السنه ال24 كلاكيت......مره

وطبعا قبل مااغسل وشي ايدي على زرار الباور(حتى تمتلئ الغرفه الصامته بزحام الحياه)

وجري عالمطبخ عشان(قهوة الصباح)

رجعت بالقهوه وانا زي كل يوم عندي فضول قاتل وامل في اني الاقي اي حاجه جديده في بيتي التاني ... في مجتمع الفيس بوك

فتحت وبقلب في صفحة الهوم بتاعتي....اوووووه لالالالا(نانا سينجل؟؟)لاحول ولاقوة الابالله..يا فتاح يا عليم يا رزاق يا كريم(نانا وعامر سابوا بعض)طبعا عملت كومينت بسرعه

زي ال 500 كومينت اللي مكتوبين لشد ازر المسكينه نانا اللي ماليه البروفايل بتاعها بأغاني الهجر والفراق!!!(متزعليش يا قمر عامر ميستهالكيش ده عنده فوق الالف بنت عالاكاونت..انتي ليكي الاحسن)

الاحسن ده عنده 500؟؟

هييييه دنيا..اما اشوف بقى الانبوكس بتاعي,,داخله عالانبوكس وانا متقمصه شخصية المهمه(قال يعني حد هيعبرني)!!

141 رساله؟؟؟لما اشوف مين اللي باعت

الرساله رقم 1-جروب مسابقة احلى عيون عالفيس بوك(كل اعضاء الجروب يلا بسرعه ادخل وبارك لسميره الحوله اللي كسبت معانا الشهر ده)!!

2-جروب بنوته شيك اوي (كل اعضاء الجروووووب الحقوااااااااااااا البديهات نازل عليها تخفيضات 50% ادخلوا شوفوا)!!

3-جروب اتراهنت مع واحد هندي اني اوصل الجروب لمليون فيل(يلا كل واحد يعمل انفيت يا جماعه عددنا وصل 5000 فيل)!!!

4-جروب محبي الفنان سامر كرسي(ادخل يا جميييييييييل معانا لينك اغنية(نفسي أ...افوز عالجزاير)اوعى تفهم صح!!!

جالي احساس اني قاعده على شاطئ المعموره وان شويه هيطلعلي من الشاشه واحد يقوللي حاجه ساقعه يا انسه!!!

يا خساره الظاهر ان جروب احلى حواجب عالفيس بوك مبعتليش(صورة حواجبي معجبتهمشL؟)