خدنا أجازة والأجازات أيام ممتازة
أكيد كلنا فاكرين أغنية السندريلا سعاد حسنى لما قالت: خدنا اجازة خدنا اجازة والاجازات ايام ممتازة خدنا اجازة والستة فى ستة بسته وتلاتين واكوزا كوزتابياستا دلونى على السبيل.. الى اخر الأغنية الشقية الجميلة
وحال الاجازة دلوقتى بينطبق على اتنين من أهم المنابر الإعلامية فى مصر إن لم تكن أهمها على الإطلاق والاتنين اخدوا اجازة الأول البيت بيتك ( الله يرحمه) لأنه مش بس اخد اجازة ده ذهب إلى غير رجعة بكل تاريخه المهم فى التلفزيون المصرى على ان يكون هناك عودة بإذن الله السبت القادم ببرنامج جديد اسمه مصر النهاردة ان مكنوش رجعوا فى كلامهم.
والبرنامج التانى هو العاشرة مساء واللى برضة اخد اجازة اسبوع والمفترض يرجع السبت الجاى.
ولكن السؤال: هل فى إن برنامج ياخد اجازة اى مشكلة ؟ منطقيا لأ، لكن فعلياً ايوة.
لما يكون برامج التوك شوا فى بلد بقى لها سلطة مهمة فى الرصد والمراقبة وأحيانا التصحيح، يعنى لما تبقى دورها أصبح فيه ملامح من دور قسم الشرطة يبقى من الصعب انهم ياخدوا اجازة .وان كان البرنامج الأول يا عينى اخد اجازة غصب عنه، فلا يوجد عذر للبرنامج التانى فى الاجازة، بالتأكيد من حقهم انهم بعد الشغل الجبار اللى بيشتغلوه انهم يريحوا ويلتقطوا الأنفاس صحيح بس الدنيا مش بتقف مع الأجازة بتاعتهم.. الأحداث مش بتستناهم لغاية لما يرجعوا من تركيا وأمريكا وفرنسا و إيطاليا أو حتى من شرم الشيخ ومرسى علم .
والدليل ان فى الاجازة دى حصل حدثين مهمين سفر الرئيس للعلاج بالخارج ووفاة شيخ الأزهر. صحيح احنا مش بنتكلم عن فكرة التغطية الخبرية اللى الناس ممكن تخدها من الجرايد او من نشرات الأخبار أو حتى من الجزيرة والعربية والقنوات الإخبارية المتخصصة. احنا بنتكلم عن مجلة يومية المشاهد بيقراها وبيتفرج عليها وبيرتبط ارتباط وثيق بيها وممكن الارتباط ده يخليه ميخرجش من بيته لمشاهدة حلقة من البرنامج المفضل اللى بيشوفه.
يعنى من الاخر بيبقى زيه زى المخرج والمذيع او المذيعة مش بيأجز غير الخميس والجمعة. والدليل على ان فكرة الاجازة بالنسبة لهم حق مشروع بس صعب التنفيذ ان فى احداث مباراة مصر والجزائر الأولى البيت بيتك( الله يرحمه) والعاشرة مساءً طلعوا هوا ونسيوا انهم فى الويك اند واللى يفتكر أول حلقة لبرنامج العاشرة مساء بعد اجازة احد اعياد الأضحى وهو العيد اللى اعدم فيه صدام حسين اكيد حس ان التغطية الخبرية بايته جدا وان التغطية الإعلامية النقاشية محروقة عشان الخبر بات .مسألة اجازات الإعلاميين مش بقت حاجة سهلة وأكاد اجزم أن منى الشاذلى ومحمود سعد تمنيا لو لم يكونا فى أجازة بسبب الأحداث اللى حصلت فى اليومين اللى فاتوا مهما كانت درجة استمتاعهم بالأجازة .انه الإعلام ....مسؤلية وإلتزام
del.icio.us |
Digg
أرسل إلى صديق
نسخة للطباعة
نسخة نصية كاملة
الرئيسية
اجعلنا صفحتك الرئيسية
أضف إلى المفضلة
بحلقة موبايل
Rss
نسخة نصية كاملة
الأرشيف
التعليقات (323 تعليقات سابقة):
أضف تعليقك