شقة و عفش و مهر

طبعا الكل هيستغرب من اسم الموضوع بس اسيبكم مع الموضوع نفسه و هاستنى رأيكم

الموضوع بدأ انى كنت بكلم صديقة اجنبيه و لقيتها بتقولى: عاوز تسأل عن حاجه؟
المهم اتكلمنا لقيتها بتحكى عن واحد بتكلمه و الأخ دة كان على وشك انه يخطب و يتجوز _عقبالكم كلكم_
المهم قعد يتكلم معانا _ومايعرفش انه كدة بيفضحنا_ و قعد يوصف لها طلبات أهل خطيبته
من شقة و عفش و شبكة و و و و
قال لها انهم طالبين شقة و تكون تمليك و طبعا الكل عارف الشقق و بلاويها و الجدع اللى يلاقيها
و طبعا عاوزين عفش قصور مش شقة لاتنين يادوب لو 5 اطباق و كوبايتين يقضوهم و بعد كدة على مهلهم
نسيب دة كله و نيجى عند اللى منرفزها جدا بتقول ان اهلها طلبوا منه بقيمه محددة دهب _اللى هى الشبكة طبعا_ و طبعا استغربت
بتقولى المفروض انه قال ليا ان دى هديه ازاى تبقى الهديه تطلب و تطلب كمان بقيمة محددة؟؟ فقلتلها كتير من الناس بيفكروا كدة انهم لما يزودوا فى طلباتهم و يزودوا و يغالوا فى الطلبات يبقوا كدة بيحافظوا على بنتهم
فقالت لى جملة غريبه كدة هاكتبها كوبي من كلامها
in Egypt all girls only think in money so i can say greedy lil bitches
sorry about that
there’s gotta be some that don’t think like that
only the main different about bitch & them
only that bitches have sex without marriage

طبعا معنى الكلام واضح
تخيلوا دة حالنا قلبنا الجواز لتجارة طبعا مش بيع و شراء و لكن بدعوى انا بحافظ على بنتى.
طب ما ممكن الشاب دة يطلع عينها و يبهدلها لدرجة انها هى و اهلها يسيبوله كل حاجه و فوق دة كله فى منهم بياخد فلوس كمان. يعنى مش قيمة البنت بالفلوس و لا بكتر الطلبات
و يتهيألى دة اكبر سبب لعدم الجواز، لإن مين شاب فى أول عمره لسه بيقول يا هادى
هيجيب شبكه بشئ و قدره و يجيب شقة و عفش و و و و و و
و خير ما نعمل به حديث النبي الكريم (صلى الله عليه وسلم): "إذا أتاكم من ترضون خلقه ودينه فزوجوه، إلا تفعلوا تكن فتنة في الأرض وفساد كبير" (رواه الحاكم وابن ماجه وغيرهما)