بلاك تيما فرقه مش بنغني للناس ولا ع الناس لكن بتغني مع الناس

فرقه شابة بتقدم موسيقى متنوعة الإيقاعات ما بين موسيقى الجنوب ذات الإيقاع الخماسي والموسيقى الغربية كالريجيه ,بوالجاز , والهيب هوب وده سر تسمية الفريق ببلاك تيما لأن الفريق اخد من الغناء الأسمر في العالم كله من أفريقيا إلى أمريكا اللاتينية ركيزة له وده لا يمنع أن الفريق يقدم أيضا بعض الألحان الشرقية

    بلاك تيما تجربة تعتمد على الشباب بشكل كامل , الفريق بيتكون من :   أحمد بحر  اللي قام بتلحين معظم أغنيات الفريق ببراعة وصدق شديدين فألحانه تتميز بالبساطة والعفوية وتدخل القلوب بلا استئذان ...  

          وأمير صلاح الدين ممثل ومخرج مسرحي اتجه إلى الغناء ويتميز بالحضور وخفة الظل كما أنه يقوم بتأليف بعض أغنيات الفريق كأغنيتي أنا الذي وشيراتون ...   

         أما محمد عبده ( ممثل مسرحي ) فهو يتميز بحنجرة جميلة ويقوم بتأليف وتلحين بعض أغاني الفريق كأغنية " أجمل أيام حياتي " و "كن سعيد " الترابط الفكري واضح بين أعضاء الفريق لأنهم أبناء ثقافات متقاربة فعضوا الفريق أحمد بحر وأمير صلاح ينتميان إلى بلاد النوبة ومحمد عبده ينتمي إلى صعيد مصر

             وبدأوا التدريب لأول حفله بعد اختيار اسم (كاريزما) الاول للفرقة .. الحفله كانت في ( يوم المهرجان الدولي للموسيقى ) اللى اتعملت في دار الاوبرا المصرية عام 2002 

              بس زى ماقال الاتنين امير و عبده ان المسرح كان واخد كل وقتهم و شاغلهم عشان كدة أجلوا كل خططهم الموسيقيه لحد ما اتقابلوا مع بحر في حفلة موسيقيه في 2004 ، و قرروا هما الاتنين ان بحر يكون جزء م الفريق ، و سموا نفسهم بلاك تيما black theama ، وكان واضح انه كان على نفس العاطفه الموسيقيه و انه جاى من نفس الخلفية النوبية زيهم.   

          و بعد ما لقوا نفسهم تلات مغنيين ف الفريق ، قرروا يختاروا بعناية الموسيقيين ، وكان شمس - وهو شاب موهوب ضابط ايقاع من الموسيقيين اللى ليهم نفس المواهب الموسيقيه النوبية ؛ بدأوا التدريب على اول حفلة ليهم فى ساقية الصاوى فى اغسطس 2004 ..   

           ولما أتكلمنا معاهم عرفنا بلاك تيما بشكل أكبر وكان لنا معاهم أجمل حوار       

بعد ما عرفنا وقرينا  كتير إن بلاك تيما هما شباب سمر بيغنوا موسيقي سمرا عايزين نعرف يعني إيه أغاني بديله اللي بتقدمها بلاك تيما ؟