في حوار صريح جدا الإعلامية والمطربة سلمى الصباحي ل(بحلقة): شباب بيك بيقع .. والدي لم يكن سببا في نجاحي
حجم الخط:
قابلناها فى مكان من أجمل الأماكن اللى فيكى يا مصر ساقيه الصاوى فى الزمالك وهي كمان بتحبه قوي وأغلبيه وقتها بتكون هناك بنوته شقيه الناس قالوها أحلى حاجه فيها ضحكتها والغنى بالنسبه ليهاحلم هيه عايشه فيه ونفسها كل اللى يسمعها يبقى معاها فى حلمها قررنا نشاركها حلمها ده ونخليها تقول كل اللى نفسها تقوله عن الحلم ده سلمى حمدين الصباحى خريجه كليه الاداب جامعه القاهره قسم اسبانى دفعه 2003وإحدى مذيعات برنامج شبابيك على قناه دريم ومغنيه فى أول طريق الاحتراف بالرغم أحترفها لما كان عندها خمس سنين
الناس عرفت سلمى من شبابيك عرفينا بنفسك أكتر ..؟؟وبدايه الغنا إزاى ..؟؟ سلمى اللى بتتطلع فى شبابيك الناس كلها عارفها وكل حاجه بتحصل بطلع أقولها عادى مفيش أى فرق بين سلمى العاديه وسلمى المذيعه والمغنيه يعنى أنا تلاته فى واحد ..بدأت غنا من وانا صغيره بدأت فى المدرسه وأنا عندى خمس سنين تقريبا ومن تمن سنين بدات أغنى فى كورال الأوبراوغنيت فى كذا فرقه لحد الفرقه اللى بغنى فيها دلوقتى أيامنا الحلوه .
حلمك إيه ياسلمى فى الغنا ..عايزه تعملى إيه فيه ؟؟ إن كل اللى يسمع صوتى يحسه بغض النظر عن عددهم عشر ولا ميه ولا ألف المهم يدخل جوه قلبه أحب أوى لما أبقى حاسه بحاجه أحاول اخلى اللى قدامى يحس بيها لان الغنى بالنسبه ليا إحساس ...
الموقف اللى اتحطت سلمى فيه وقالت هتبطل غنى؟؟لاعمر ماحاجه خلتنى أقول أنا مش عايزه أغني..علشان الغنا جوايا أكبر من اى عائق وأنا حاطه لنفسى مبادئ وعارفه إن فى حاجات كتير وحشه موجوده..بس أنا فى حاجات مش هعملها وبسبب كده أنا محترفتيش الغنا لحد دلوقتى لإنى بحبه ومش بحتاج اعمله علشان اخد منه فلوس بمعنى أصح مش شغلتى أنا بعمل حاجه بحبها وبحسها
جاتلك عروض من شركات الانتاج ؟؟ اه إتعرض عليا كتير بس أغلب المشكله إن المنتجين الموجودين مش بيفهموا حاجه اى حد معه فلوس وخلاص عايز يعبى شريط وأنا لازم اللى اشتغل معه يبقى حد عنده فكر وفاهم هو بيعمل إيه لان أنا ليا دماغ فى الغنا مش عايزه أطلع أقول أى بطيخ ..عايزه أطلع أقول حاجات أنا حاسها ويإما بقى منتج كويس وعايز يفرد شخصيته عليا وأنا مش هأغنى اللى أنا عايزه أغنيه فى الأخر بس بدور إن شاء الله ربنا يكرم..
ردود فعل الناس عليكى وبتعملى إيه لما حد بيقولك صوتك وحش ..؟؟ الحمد الله أنا عندى جروب على الفيس بوك وصل لأكتر من 7000واحد..الناس دى أغلبهاعرفتنى أكتر من شبابيك ولما عرفوا إن صوتى حلو بقوا يجيوا حفلاتى .. أنا ممكن أقبل إن حد يقول عليا أى حاجه لكن فى صوتى لا..لإنى حاسه إنى أكتر واحده فى الدنيا بتحب الغنى وبتحسه أوى وبحس إن اللى يقول غير كده إنه جاى يضايق وخلاص..فى مره واحد دخل على الجروب وقال فين الإحساس اللى بتقولواعليه وهيه الناس دى وبعرور مينفعش تسمعوهم نضفوا ودانكم مكنتيش مصدقه إنه بيقارنى ببعرور..والناس هيه اللى رديت عليه أنا مردتيش عليه لإن مينفعش تقول إنى مبحسيش..ده أنا ببقى على المسرح بموت ..وأكيد فى ناس ممكن ميعجبهاش بس يعبر بطريقه محترمه وأنا بتقبل النقد عادى..وفى ناس بتفتكرنى مغروره بس أنا مش كده والحمد الله إنهم مش كتير ..
حفلات الساقيه خطوه مهمه فى حياه سلمى ..؟؟ أكيد طبعا ..الساقيه إتعملت 2003دى السنه اللى اتخرجت فيها من الجامعه وكنا إحنا عاملين منتخب جامعه القاهره للغنا ولما إتخرجنا عملنا الفرقه دى علشان نغنى بره الجامعه وسمناها أيامنا الحلوه وكنا أول ناس نعمل حفله فى الساقيه كان لسه مفييش تكيف والدنيا حرجدا واول حفله كان عددها 700تقريبا اللى حضروا فتعرفنا وأحنا ماشاء الله علينا كتير أوووى ..وكل واحد له ناسه ..وأنا غنيت فى فرق كتير أوى كان من ضمنهم فرقه يحيى غنام بس أكتر فرقه بحبها أيامنا الحلوه لإن إحنا أصلا أصحاب من أيام الجامعه..
إيه أكتر أغانى بتحبيها لنفسك ؟؟ كلها بحبها وحاسها بس فى أغنيتين بالذات بحبهم أوى أغنيه كنت عاملها لمروه انتيمتى فى فرحها وأغنيه كنت عاملها لأشرف جوزى وغنيتها فى فرحى إسمها بشكرك ..وبحب أغنيه حبيبتى أوى بحسها من أجمل الأغانى اللى اتكتبت لمصرعمارالشريعى حد جامد وسيد حجاب ناس بجد بتفهم.. وبحب أوى اللى يغنى لمصرعلى إنها حبيبته مش وطن وأرض وخلاص..
والد سلمى أثر في شخصيتها بإيه ..؟؟ أثر فيا فى كل حاجه أنا طالعه له..وهو إحنا فى الأصل أسره الحمد الله مترابطه جدا ومتربيين من أبويا وأمى أنا وأخوياعلى الحب أوى..بس أبويا فى لينك كده بينه وبينه من عند ربنا..وبحبه علشان حمدين الصباحى بغض النظر عن إنه أبويا وبحب أبويا برضه وهو فى حاجات أنا ممكن أكون بعملها ومش واخده بالى منها بتكون بسبب بابا ..
شايفه علشان إنتى بنت حمدين الصباحى إتفتحت ليكى أبواب فى شغلك ..؟؟مبدئيا أنا عمرى ما إستغليت إسم أبويا ..والحاجه الوحيده اللى أبويا كان ممكن يتوصتلى فيها وأنا بعملها هيه دريم ..بس لما روحت دريم إتصاحبت على السكرتيره وقوتلها دخلينى خمس دقائق للمدير قالتلى لا ومش هينفع المهم دخلت للمدير وقوتله إزيك ياأستاذ عمرو أنا إسمى سلمى وعايزه أشتغل مذيعه..وإستاذ عمرو خفاجى هو اللى له الفضل عليا لإنه شاف فيا حاجه اللى أنا متأكده إنها موجوده جوايا بس محدش غيره شافها وبعدين عملنا ورشه عمل وطلعت أنا الأولى فيها..ولما عرف أستاذ عمرو خفاجى إنى بنت حمدين الصباحى قالى إنتى مقولتيش ليه إنك بنته ..رديت كونى بنت حمدين الصباحى حاجه وإنى عايزه أشتغل مذيعه ومش عايزه إسم أبويا هو اللى يخلينى أشتغل ..!!قالى تبقى إنتى فعلا بنت حمدين الصباحى ...
إيه اللى جاى لسلمى ..؟؟والله معرفش بس ربنا يكرم إن شاء الله دى كانت سلمى المغنيه أما سلمى المذيعه بقى بحلق وهتعرف أكتر
قبل شبابيك كنتى بتعملى إيه ..؟؟أول حاجه إذاعه شبابيك..بس كنت بشتغل عمل تطوعى كنا بنبنى مدراس فى مناطق عشوائيه علشان الأطفال الغير قادرين يتعلموا فيها وكنت بحب العمل التطوعى والمشاريع دى أوى بس كنت حاسه إن جوايا حاجه فنيه مش عارفه أطلعهاإزاى..وكان نفسى أوى أغنى ونفس الوقت مش عايزه أحترف فيه وحسيت إن أقرب حاجه للغنا وممكن أحترفها هيه الأذاعه فسعيت فى المجال ده لحد ما وصلت لدريم أحلى حاجه فى سلمى وإحنا بنعمل معاها الحوار إننا سيبنا الحوار وقعدنا نتكلم نهزر ...
أكتر حلقه أثرت فى سلمى ..؟؟كان فى حلقه عملنها عن سكان القبور وعملنا تقرير عنهم ولما شوفتها إتأثرت جدا وقعدت أفكر فى حياتى كلها وقولت الحمد الله إنى عايشه كده ده أنا بحياتى دى مرفهه ..وأول مره جيه معانا أستاذ مفيد فوزى كنت مرعوبه قبل ما نطلع على الهوا بس كان ظريف جدا جدا معانا على غير توقعتنا كلنا وطيب وكان بيهدينا وبعدين ده عمل حوار مع رئيس الجمهوريه سبحان الله قادر يتواصل مع جميع فئات الناس..
إيه الحلقه اللى عجبتى نفسك فيها ..؟؟مكنتيش فاكره ولما فكرنها بحلقه اللى إتكلموا فيها عن إتحاد الطلبه ومشاكل الإنتخابات فى الجامعه وهيه كانت فرحانه إنها كانت بالأداء ده ضحكت أوى ومكنتيش مصدقه أنها ممكن تطلع تقول على الهوا أنا كنت حلوه فى الحلقه دى.
موقف إتحطت فى سلمى على الهوا ومكنتيش عارفه تتصرف ..؟؟كان مره وإحنا على الهوا راح واحد إتكلم وقعد يشتم وساعتها طلعوا فاصل ..بس تخليت بعدها لو كان شتم وإحنا على الهوا مكنتيش هعرف أرد ..ربنا بيستر والله ..!!
شبابيك أثر في سلمى بإيه ؟؟وحاسه إنك ممكن تكونى أثرتى فى الشباب منه؟؟معرفش أكون أثرت فى الشباب ولالا.. بس حاسه إنى عملت حاجه كويسه ..شبابيك اثر فى سلمى عاد تكوينها من جديد..حسيت إن إديانى ثقه أكترحتى حستها وأنا واقفه على المسرح.. وبفرح أوى لما أشوف بنت فى الشارع وتسلم عليا وتقولى ممكن أبوسك ببقى طايره من الفرحه ..وبتفرحنى أكتر لما يقولوا إن سلمى حد قريب منى أو من العيله ...بجد الحمد الله
عرفنا إن شابيك إتوقف فتره ..هل ده بسبب إن إنتوا إتكلمتوا فى حاجات ممنوعه إعلاميا ..وإيه ردك على الناس اللى بتقول كده؟لا كان كذا سبب ومن ضمنهمإاننا علمنا حلقه إتكلمنا فيها عن الجيش والمشكله اللى حصلت بسبب كلام المذيعين مكنش عندهم خلفيه بالموضوع فرحنا إتحولنا للتحقيق فهمنا إيه اللى المفروض نتكلم فيه وإيه مرفوض والسبب الأكبر إننا كنا بننقل الديكور من مدينه الأنتاج الإعلامى لدريم لاند وده أخد وقت أكبر..
البرنامج قلت نجوميته فى الفتره الأخيرة إيه السبب فى كده ؟؟أه فعلا البرنامج قلت النجوميه بتاعته ومبقاش يتشاف كتير وفى سبب مهم لإن التلفونات بقت من المحمول مش ارضى ودى أكتر حاجه تقلل المشاهده مفيش حد هيستنى دقايق من على الموبيل علشان يدخل يتكلم على الهوا وده يرجع لإن الغالبيه العظمى اللى بتتفرج على البرنامج شباب .. وفى ناس محبيتش المذيعين الجداد متقبلهومش وده ممكن يكون سبب ..ولان إحنا عندنا فى مجتمعنا مبنتقبلش الجديد أوى .. إيه إنطباعك عن المذيعين الجدادفى شبابيك؟؟كل اللى أقدرأققوله إن دينا أقرب وحده روحها من روح شبابيك
إنتى مقتنعه بنفسك أنه اكتر المذيعه ولا المغنيه ؟؟ مقتنعه بنفسى فى الاتنين ميه فى الميه ولو مش مقتنعه بنفسى فى حاجه ميه فى الميه أكيد مش هعملها وبعدين الغنا ده حلم وعالم تانى بتاعى عايشه فيه
وفى الأخر ..سلمى ست البيت ؟؟ هايله ..صباح السمنه..قمه التهريج فى الاكل مبطبخش كتير ..أول مره أطبخ بعد ما إتجوزت عملت فته موزه ..وبصراحه رمضان كنت مظبطته الدنيا كنا معزومين على طول ..وفى موقف حصلى وأنا فى برنامج سوبر ستار فى لبنان بيقولولى إيه أكتر أكله بتحبيها قولتلهم كشرى أصحابى قالولى إنتى رايحه لبنان تفضحينا طب قولى كباب..!!! بجد أنا بحب الكشرى جدا .. انا قعدت سنه فى الجامعه اخلص محاضرات الساعه 8 باليل وأطلع أكل كشرى قدام الجامعه بعد السنه دى جالى أنيما حاده بس الحمد الله ربنا سترها ده غير عربيات الكبده والسجق يااه ياما أكلت منها متهألى أناجاتلى مناعه ضد الأكل ده ..!!
ناويه تسمى بنوتك إيه ..؟؟وإبنك إيه .؟؟ مش هقول على إسم بنتى إن شاء الله علشان محدش يأخدوا ...بس إبنى إن شاء الله ناويه أسميه يوسف .. دى كانت سلمى المغنيه والمذيعه وست البيت الهايله اللى مبتطبخش أصلا....!!
أضف إلى:
del.icio.us |
Digg
del.icio.us |
Digg
أرسل إلى صديق
نسخة للطباعة
نسخة نصية كاملة قيم هذا المقال
الرئيسية
اجعلنا صفحتك الرئيسية
أضف إلى المفضلة
بحلقة موبايل
Rss
نسخة نصية كاملة
الأرشيف
التعليقات (22 تعليقات سابقة):
"salma shab7 7ad kont ba7ebo zaman w lesa ba7ebo w hafdal a7bo"
3amatan a7na aftqadna loma "el2sm ely benadeha beh fe el group" fe shababek w elbrnamg ba2a damo t2el 2wee
سمر ادعليها ربنا يوفقها فى حاجه تكون احسن ليها
عاشق الترحال
ميرسى لتعليقك
يجد سبتيه ليه مع انك انتي من اقوى العوامل الي صنعت شبابيك والناس حبت شبابيك عشانك
هي فظيمه احسن ؟؟؟؟؟؟؟؟ مش بتعرف تقول كلمتين على بعض
سلمى بليييييييييز احنا عايزينك ترجعي او على الاقل نعرف سبب انك سبتي البرنامج
عشان مش قادره اتخيل شبابيك الا بيكي :(
اياد بحسه مش منهم
مش عارفه مفيش حب زي زمان
مفيش الاخوات سلمى وهبه واياد وعمرو
راحوا فيييييييييين؟؟؟؟؟ انا مضايقه اويي
Webelnesbah Le Shababeek, Fal Program Mosh Momken Ye2oom Men 3'air Salma Aslan, W Law Salam Sabeto, w 3amalet Ay 7aga Tanya, El 7aga EL Tanya Hatenga7 W El Progeam Ha Yes2at ...
W 3'onaha Dah Kessah Tanya Lewa7do, Men El 2aswat El Nadra W El Momayza Gedan, Ya Rab Yewafa2ha Lel Saleh Leha isA
La2 W 7ad Kaman Sa7eb Resalah, W 3ando Hadaf, Mesh Zay shabab El Yoomen dool El Tayheen ... Wely Men El No3 Dah 3ashan Yenga7 Beyet3ab 2awy 2awy, Fa Rabena Yewafa2ek, W Yekremek W Yenawarlek Taree2ek isA .. W Shokran Gazelan 3ala El Interview El Ra2e3 Dah Wel Ba7la2a Illy malhash 7al deh :D:D:D
واسمحي لي بتعليق بسيط على حوارك..
سلمى الصباحي ذكرت أن البرنامج بمذيعيه الجدد بيقه، وهذه نقطة كان لابد أن تركزي عليها وتستوضحي أكثر منها. بالرغم من إن النقطة مثيرة "وإنتي طبعاً عارفة إن القراء بيحبوا يقروا الحاجات السودوية دي :)"
أما عن سلمى فلم يعجبني على الإطلاق انتقادها لزملائها الجدد هكذا، والتحدث عنهم بطريقة سلبية أساءت لسمى قبل أن تسيء لهم.
صدق إحساسي بالفعل حين شاهدت أول حلقة كان فيها المذيعون الجدد وتنبأت بيني وبين نفسي أن الأمور بينكم لن تكون على ما يرام.
مافيش حد يكتب بطيخ في حوار صحفي
في فرق بين الدردشة والكتابةالصحفية ودة الف باء اعلام
الكتابة لها اصول يجب ان تتعلموها اولا قبل ان تكتبو حوارات يقرأها الناس
وبجد اسف على وقتي اللي ضاع في الحوار دة
وعايزنك تنزلى اغانى والبومات كتيييييييييييييير وياريت قريب ربنا يوفقك يارب
أضف تعليقك