الرئيسية | القراء يكتبون | مصر هى "كورتى"...و عجبى!!

مصر هى "كورتى"...و عجبى!!

29 June, 2009 09:08:00 مصطفى محمد

حجم الخط:

ماشى فى امانة الله فى شارع فاضى سرحان خالص وبفكر ،المهم وانا ماشى
اذ فجأة لقيت نفسى بجرى لوحدى .. لية؟؟اتارى فى حوالى 80 مليون مصرى قالوا فى نَفس واحد......

"جووووووووووووووووووووووووووووووووووووووون"

كانت مصر بتلاعب ايطاليا وفى جو الهدوء الذى يتسم به الشارع والناس من حولى تترقب اى هجمة لمصر على ايطاليا ...يطلع هذا الصوت ..وبعد ما مشيت شوية كمان ،انظر الى القهاوى من حولى..فأجد الناس من حولى يجلسون امام التلفاز...بنفس طريقة جلوس الطلبة فى المدارس صف خلف صف والكل مبحلق عنية فى التلفاز ينظر الى هذة الكرة الذى يتعارك عليها 22 شخص ليستطيع احدهم ان يأخذها ويصوبها نحو هذة الشبكة التى تكون بين عارضتين .

والحمد لله ..اتغلبنا من الجزائر ومصر كلها كانت مهمومة يومها وكأنة يوم نكسة 67و بعدين اتغلبنا من البرازيل ولكن مع ذلك فرح المصريون لخسارتنا الجميلة ,فمن اجمل ما قرأت ان احنا عاملين زى الواحد اللى لو ضربة على قفاة حد ملوش لزمة يزعل قوى وطبعا هيردهولة ويمسخر بكرامتة الارض اما لو ضربة على قفاة شخصية هامة يبقى مبسوط قوى ويمشى فى الشوارع كل اللى يقابلة يقولة ده الشخصية الهامة ضربتنى على قفايا واعتبر الشخصية الرمة هى الجزائر والشخصية الهامة هى البرازيل..

وبعدين جاتلنا الفرصة التاريخية اللى غلبنا فيها ايطاليا اللى هتمنع الحمص انه يتاكل عندها تانى و وجدنا البهجة على وجوة المصريين ورجع لكل مصرى انتماءة لوطنة الذى لا يظهر الا عندما نكسب مباراة !.فانت ان لم تشجع مصر اذن انت عميل وخائن فلما اتغلبنا من الجزائر واحد فرح للجزائر طلع علية انة عميل مع ان دول يعتبروا زى اخواتنا يعنى عرب ومسلمين زينا لكن فى الحالة دى تبقى عميل ونسى "حب لأخيك كما تحب لنفسك"
واللى فرح لإن البرازيل غلبتنا دة مصرى اصيل وبيحب بلدة !

فهل اصبح الانتماء للبلد فى حالة الكورة بس ياعينى عليكى يامصر وانتى بقيتى مجرد كورة مرة تخيب ومرة تصيب و اهى ماشية وبعد كدة ابقى العبى كويس يامصر علشان نحبك!!!