ابتسم انت فى عصر التوك توك..!

المظهر العام لسائق التوكتوك،لسائقي التوكتوك يونيفورم او حاجة أقرب لليونيفورم فتجد كل السائقين عيال صغيرة داهنين شعرهم بزيت عافية عباد الشمس او زيت تموين مدعم وبيكون حاطط سيجارة كليو باترا أطول منه على ودنه اه امال يعني هيشرب مارلبورو مش عارف بيشربها امتى وبيكون لابس فانلة داخلية مفيش فوقيها حاجةممكن تكون قطونيل او الامبراطوراموت واعرف بيكون لابس الجزء التاني المكمل للفانلة ولا لأ اللي بيكون ظاهر انه لابس شورت كان مشروع بنطلون وفشل زائد الشبشب ابو وردة وبيكون صاحب التوكتوك معلق ليه لمبات حمرا وصفرا وخضرا اكنه فرح العمدة في المرات القليلة اللي ركبت التوكتوك دا بواجه اغراء غريب جدا اني اديله حتت قفا حكومة زي حسن حسني معمل في سواق التاكسي في عبود على الحدود بس بتراجع لما افتكر ايه اللي ممكن يحصل نتيجة الفكر الاجرامي دا اضف الي ذلك ممعيش واحد طيب زي علاء ولي الدين ألبسه الموضوع وبفضل اقاوم الشيطان لحد منزل الأدهى من كل دا ما يسمعه العالم دي لهم هما مش بيغنوا هما اكيد بيرجعوا مطربهم الاول الشاب المجروح دائما البرنز مصطفى كامل وواحد كان ماشي في الشارع مش لاقي حاجة يعملها وكان عايز يعيط دخل محكمةوجد فيها كل اللي هو عايزة من كابة ونكد وحزن وكمان عاشق الحمار سعد الصغير مع الاعتذار للحمار هما بيسمعوا الاغاني دي عشان تقريبا بيتسطلوا عليها نيجي باة للجمل اللي بتكون مكتوبة على قفا التوكتوك بتكون مكتوبة جمل غريبة واحد تلاقيه كاتب الاميرة تفاحة للسفر والسياحة ( ليموزين)أصله (وواحد تلاقيه كاتب العين صابتني ورب العرش نجاني وياناس يا شر كفاية أررر ( يا عم الحاج هنئر على ايه وتلاقي واحد كاتب للبيع عشان ترتاحوا ..

واحنا مال أهالينا وواحد كاتب أل عايزني أبيع أل واللي كاتب تمشي ورايا اقدرك تعديني اكدرك ولا دا كاتب 9 في الخير تكسب عامل نفسه شيخ قبيلة بس محدش فيكو شاف قبل ذلك توكتوك راكن تحت بيت صاحبه لم اكتشف الموضوع دا تقريبا كل صاحب توكتوك بيربطوا في رجل السرير بليل قبل مينام والدليل على كدا انه يصحى من النوم يركبوا علطول بفانلته بكله ومبيعديش وشه على اقرب ميه يطشها في خلقته ولا يكلف خاطره ويبص على مرايا مع ان في القفا سلاية والوش مراي التوك التوك بيمشي ازاي يعني بنزين ولا جاز ولا ميه ولا انيجيزر ولا شاحن زي الموبايل ابتسم انت تعيش في عصر التوكتوك الاول