الرئيسية | أدب ألوان | حـــلِّي الحيــــاة

حـــلِّي الحيــــاة

04 March, 2010 08:03:00 ســــــــلوى أبو عـــرب

حجم الخط:

حلِّـــــي الحيــــــــــــاة ..
رشـــرش رذاذ البســمة
فوق وش البشـــر ...
إغسل دموعك ..
بضي منديل القمـــر ..
و أضحك معاه ....
إضحك و موت م الضحك ...
على اللي عدى ..
و ع اللي .. فارق
و اللي ... ماااااااااات ...
إعمل أسد .. إعمل جبان
على حبلها ..
كن ألعوبان ....
و أرقص لها فوق البساط
بالرق و بصوت الصاجات
بس المهم .. تفضل هنا
جوا الحياااااااااااة ...
بتحبها ... سيَّح لها ..
و خد يا صاحبي وياها و هات
و إن شفت أفعال القدر
إعمــــل عبيييييييييط
و إن شق قلبك بالجراح
إرمي بروحك
جوا بحر الحلم و اغرق
في الغويييييييط
و إن مرة شميت
جوا فرن الأمنيات
دخان .. لأحلامك .. تشيط !!
أطلب ( دليفري ) ..
من محل الأغنيــات ..
متظبطة ويا ــ الدي جي ــ
و الســماعات ..
و إياك يكون في الغنوة
صوت للحزن ..
أو صـــــوووووووووت ...
للآهــــــــــــــات