الرئيسية | أدب ألوان | كربـــاج حــــــنين

كربـــاج حــــــنين

04 February, 2010 03:31:00 سلوى ابو عرب ــ نادية مدني

حجم الخط:

كرباج حنيـــن

زلزل ضلوع صدري .....
لا عرفت أفوت م الشوق ....
و لا م الألم .. بجري ...
كرباج حنين شقني ...
نزلت دموع العين ...
شلال ..
على حجـــــــــري ...

ـــ ســلوى ـــ

في ضلوعي كرباج حنين ...
نازل بيكوي كيّ...
بيصحصح النايمين
ويقول: يا ميّت حي...
يا من تقول لي نسيت ...
كداب .... ومالك زيّ
ازاي ولسه الشوق ...
بيهز فيك البـــــــكا...
وازاي دموع العين ...
واخدة معاها .... الضي؟؟

ـــ نــادية ـــ .

ياللي تقوللي نسيت

هو الغرام يتنسي ... ؟؟
و لو حبيبك خان ..
أو حتى باع أو قسي ...
ياللي ندرت الروح
مركب في شطه رسي ..
و لو تفيض الجروح
راح تعمل إيه يا خي ....

غرام رويته بدمي ..
مش بالندى و المي ...
و بناره قلبي إكتوى ..
لما ضويت م الشي ....
غرام في عيني زرعته...
و خلعت منها الضي
و تقوللي أنسى يا صاحبي ... !!!!
هو اللي شفتو
شــــــــوي .... !! ؟؟