الرئيسية | أدب ألوان | واااااااااااااء واااااااااااء

واااااااااااااء واااااااااااء

28 January, 2010 07:02:00 أمـــــــل عبد الواحد

حجم الخط:

على إسم مصر التاريخ

يقدر يقول
واء واء
انا مصرى عندى اهم واخر الانباء

مصر السما مدخنة
وسحابة مؤذية
والمية مقطوعة
امراض ومعدية
وشبابنا قاعد عواطلى .... وازمة فى الأسكان

ان السيول جوة بلدى
هدت بيوت الناس
والدنيا عز البرد
ومفيش خلاص احساس
وبيوت ساكنها الموت
مش عارفة سكانها
مابقتش بتميز ...مين اللى ساكننها
صنفين دا فوق ودا تحت... متحوطين بحيطان

وكل حاجة تشوفها تلاقى ليها 100 وش
والصدق لم الهدوم .. طفش ياناس م الغش
واللى يقولوا الحق
يتهانوا يتذللوا
والفنجرية بق
بيزيدوا وبيعللوا
ويوماتى دايما صورهم .... معبأة الجرنان

اخر بيان الصعايدة ..
ناويين يهدوا الدار
جايبيين عليها ف واطيها
علشان يلاقوا اثار
ويفيد بأيه نعترض
على بند ف الدستور
وازاى ياناس نعترض
على حاجة فيها سرور
والجد قاعد مأبد .... سايق... الطنشان